دوز - چؤرک دوستونون قیمتی یوخدور
دوز - چؤرک ایتیرن دوسلاردا چوخدو
دئییرلر کئچمیشده بیر چوبان وارمیش
سوروسون یاماج دا هئی اوتارارمیش
بیرگون سفره آچیب طعام ائدیردی
بیر قوجا بو زامان یوللا گئدیردی
چاغیریب قوجانی اؤزونه ساری
منیم له گل گینن طعام ائت باری
قوجا یاخینلاشیب سلام ائیه دی
چوبانلا بیرلیکده طعام ائیله دی
چوبان سوال ائتدی قوجایا کی سن
بیر سریله آتاسان کیم سن نه چی سن
قوجا دئدی نه گیزله دیم سندن
بیل کی عزیز بالام عزرائیم من
چوبان دئدی نه دئییم داها
سنی آند وئریرم بؤیوک آللاها
قویما اوره ییمده آرزو کامیمی
نه واخت آلاجاقسان منیم جانیمی
عزرائیل سؤیله دی یالوارما ناحاق
هئچ ده ممکن دئییل بو سیرری آچماق
چوبان گئنه اوز توتار آق فله یه
سنی آند وئریرم بو دوز- چؤره یه
قویما اوره ییمده آرزو کامیمی
نه واخت آلاجاقسان منیم جانیمی
دوز- چؤرک سؤزونو ائشیدن زامان
عزرائیل بیر آن دا سوستالدی همان
دئدی کی چوبانا آی کئچر ایل کئچر
قیش دونر یازا
سنی نیشاننالار بیر گؤزل قیزا
توی اولاجاق سنه گلین گله جک
اونونلا طالعین بیرآن گوله جک
گلین اوتاغینا سن گیرن زامان
اورداجا جانینی آلارام همان
چوبان چوخ قیزاردی بوزاردی پؤرتدو
حئیرت دن الیله اوزونو اؤرتدو
بیرآن دا گؤزونو یوموب آچینجا
گؤردو هئچ کیم ده یوخ غئیب اولوب قوجا
بیر نئچه واخت اؤتوب کئچدی دا بوننان
بو سؤزلر چوبانین چیخدی یادیننان
دوسلاری چوبانی چوخ دانلادیلار
قونشودا بیر قیزا نیشانلادیلار
موسیقی چالیندی مجلیس قورولدو
چالیب اوینادیلار هامی یورولدو
چوبان سون قویار یار فراقینا
بو دم قدم قویدو یار اوتاغینا
قاپینی آچاراق ایچری گیردی
ناگهان بو زامان یئره سریلدی
عزرائیل چوبانین کؤکسونه یئندی
چوبان هیددتیندن گؤز یاشی تؤکدو
دئدی عزرائیله انصاف ائیله سن
یئتمه دیم یاریمین وصالینا من
بیر آمان وئر آرزوما چاتیم
سنین الینده دیر منیم نجاتیم
بیر گئجه قووشوم نازلی یاریما
منی حسرت قویما گل نیگاریما
عزرائیل سؤله دی یالوارما ناحاق
سنین بو سؤزلرین گرک سیز سؤزلر
منیم ده یولومو چوخلاری گؤزلر
چوبان گئنه اوز توتار آق فله یه
سنی آند وئریرم او دوز – چؤره یه
منیم له کسدیین او دوز – چؤه یه
بیرجه گون آمان وئر آرزوما چاتیم
سنین الینده دیر منیم نجاتیم
دوز – چؤرک سؤزونو ائشیدن زامان
عزرائیل دیزینی وورار یئره
الینی قالدیردی آچیب گؤیله ره
دئدی خداوندا بو آدام نان منالینی قالدیردی آچیب گؤیله ره
دوز – چؤرک یئمیشم اؤزون بیلیرسن
دینله یه بیلمیرم آه فغانینی
نئجه بس من آلیم اونون جانینی
بو زمان خدادان بیر ندا گلدی
عزرائیل دوراراق همان دیکلدی
دئدی کی چوبانا آی آللاه سنین بیل
عؤمرونو آرتیردی هم ده یئتمیش ایل
چوبان سئوگیسینه یئتیشدی همان
خوشبخت حیات سوردو یاریلا باهم
کاشکی هامی عزرائیل کیمی
بیلسین دوز – چؤره یین قدرینی
*
اوخویان : تیمور مصطفی اف
*
No comments:
Post a Comment